Thal awiin leltepa'n lenbuang a nghak

Phuahtu: Romani (Sialsuk)
Satu: Siampuii Sailo, Remkimi Cherput, H. Nghaki, Ngurthansanga

Thal awiin leltepa'n lenbuang a nghak,
Thal tui ang kan nghah chu kumsul vei leh lunglen;
Dai leng ang maw thinlai a zing riai e khuareiah,
Zunleng zam leh hnutiang, aw, nang ngaih lunglen a nem thei lo.

Aw, khaw nge maw, ka lunglai min hnemtu ka tawng lo,
Relthang zing riai karah,
Zaia kan chawi lenkawl ni, chhawrthlapui,
Aw, lung an rual za siar zawng nen.

Thlang lenkawl hmar a hnim chungkhua lo ri,
Pialleia nunhlui tham hnu kha min ngaihtir e;
Tah chang ni tam mang e, kumsul hleite'n a dang lo,
Auh ruai ruai ka nuam e, aw, kan nun khuarei a chang tur chu.

Tlangtin Tuahpui leh Vau vul lai khua thal,
Ka hawi ngam lo raltiang romei zing riai karah;
Suihlungrual sirva leng an nui hiau e, par an tlan,
Khawtlang sirva hnehin, aw, rianghlei nau ang ka tlei thei lo.