Mahriakte'n ar ang ka vai e, Parte

Phuahtu: Lalzova
Satu: H Lalchawimawii, H.L Biakmawia, Lalthansanga Ralte

Mahriakte'n ar ang ka vai e, Parte,
Min hnemtu reng reng ka tawng si lo,
Kan lenna kawlvalenchham karah,
Engtikah dar ang tawng leh ang i maw?
Hmanah suihlungruala leng hmun thin,
Sam ang kan inthen rei ta em mai,
Dawn changin suihlung zawng maw a leng e.

Nang lo chu thinlai hnemtu an awm lo,
Tinkim dawn changin nunhlui ka ngai;
Ngaih lo ang hian mual an liam zo ta,
Engtikah rual zawng tawng leh ang i maw?
Chhung kim dar ang kan lenna run nen,
Khuarei kumsul vei mahte'n ka nghak,
Engtikah dar ang tawng leh ang i maw?

Chung tura ni a her liam zan tlaiah,
Siangah an lawi mi hrailengte zawng;
Kei chu khawiah nge siang ka lawi ang?
Thangvan chhawrthla eng ruai hnuaiah maw ni,
Hmana nunhlui kan va ngai awm ve,
Thliah loh thingchhawl kan pawm lai di nen,
Aw, min ti ngai em mai, kan nunhlui zawng.