Par ang a chul kan nun khuarei an chang zo ta

Phuahtu: F Lalngura (Tarpho) & R Lianzika (Zohnuai, Lunglei)
Satu: H Lalchawimawii, F. Sanglura, Maria Khiangte, H. Lalrempuia, Lalenkawli Pautu

Par ang a chul kan nun khuarei ang chang zo ta,
Zarva ianga kan hlimlai ni te zawng kha;
Hmanlai chang thei hian ka ring si lo,
Rimawi tingtang nen zai kan vawr lai kha.

Kumpui sul ang lo her leh se,
Suihlungrual pui zaleng zawngte;
Zaitin vawra kan hlimlai ni te zawng kha,
(Aw) Tunah, aw, ka ngai em e (tah khua sei ta mai tur).

Aw, kan hlimlai ni te'n mualpui an liam zo ta,
Kohkir theih se suihlunglen zaitin vawra;
Hlimlai puan ang chul tawh hnu par ang ti vul leh turin,
Aw, ka ngai em e.

Chung lenthiama'n thlawkin mualtin ka hrut dawn e,
Aw, an lenna thal romei zing riai karah;
Ngaih chang awm ve ang maw nunhlui zamual liam hnu,
Kei zawng, aw, ka ngai em e.

Aw, khawiah nge ka tawng si lo,
Thinlai ana min hnem awm maw?
Hmanah chuan suihlungrual dar ang (kan) lenna,
Aw, tunah tahkhua sei tur hi.