16 Jul 2022

Nunna siamtu mi lungngaia kha

Phuahtu: F Vanlalchhuanga
Satu: Seraphic Choir


Nunna siamtu mi lungngaia kha,
Van khawpuiah thuin an fak seng lo;
Zaiin an chawimawi seng si lo,
A ropui e, chawimawi nan dar an vua.

A ropui e, a ropui e, Halleluiah,
Chawimawina sang ber kan Lal hnenah;
Van leh khawvel hian hlan rawh se,
A ropui e, a ropui e, Halleluiah.


Tuifinriat leh khawvel zawng zawng hi,
Van boruakah chenga awm reng te pawh;
Kan Isua chawimawi nan chuan,
An ropui e, tling tawk reng an awm lo.

Hmangaihtu leh hmangaihte lenna,
Chu ram dan chu hmangaih leh inremna;
Thisena silfai lalthutthleng,
A thianghlim e, hmangaihtu rorelna.

Khaw thianghlimah Beram no Isua'n,
Ro a rel e, fakna a dai ngai lo;
Chitin, hnamtin an thleng zel e,
A thunawn chu hmangaih leh ngaihdamna.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: