5 Jul 2022

Tui leh mei

Phuahtu: SaiWanah
Satu: SaiWanah ft. Omomi


Chang : 1
A ruk tea ka vei,
Ka suangtuahna ram thununtu;
Zaleng tin tluk zawh rual loh țha mualpui khum,
Nang nen van zawlah sirvate iangin,
Chimbal te phenah hmangaih thu kan hril.

Thunawn :
"Tiam tlat e" tiin nang leh kei pialleiah,
Lirnghing leh tui fawn te'n min sawi nghing lo'ng;
Mahse, kan mizia erawh tui leh mei ang ni mah se,
I tel lo chuan keimah hi ka keimah lo.

Chang : 2

Nang Romeo, kei Juliet,
Tuin nge min țhen hrang zo ang?
Pawh chah rual loh hmangaih hrui khat vuan kan ni si,
I kiangah chuan a awm lo, hliam leh na,
Tar habal kan nih thleng vawng ang thutiam te kha.

Thunawn:

"Tiam tlat e" tiin nang leh kei pialleiah,
Lirnghing leh tui fawn te'n min sawi nghing lo'ng;
Mahse, kan mizia erawh tui leh mei ang ni mah se,
I tel lo chuan keimah hi ka keimah lo.

RAP
An runah ka leng, ka phal lo tuma'n an bem,
Ka lungna a hnem, ka tan a va hlu tak em!
Phatsan chu hnai lo, ka neihchhun, ka duh mah mah che,
Hmangaihna dik an sawi thin chu hei le tunah ka tem.

'Par tin vulna lamlian hlobet hring dup hmun' zawh tura mawi,
Leh hleitling hian kei 'tualțopa' min thlang lawmthu ka sawi;
'Ka pawm lum, ka awi', hei lo liama 'pheichham man',
Vawi 10 pawh piang nawn ila a awm tawh dawn lo kei ang tan.

Min hnem teh nunnem, i zun ngai hi ka riang em a,
Min en teh, lunglen awmzia hi ka hrethiam ve ta;
I kiangah chuan hriatchan tih ka nei ngai lo hliam leh na,
Tar habal kan nih thlengin vawng reng ang aw, thutiam te kha.

Kei paw'n thutiam zawng kha vawng turin ka tiam a che,
Karah hmelma hrangin selna leh diriamna te;
Tawngin kan thinlung leh rilru te min hliam mah se,
Kut suihin kan ti ang, biakbuk in thianghlimah.

Thunawn :

"Tiam tlat e" tiin nang leh kei pialleiah,
Lirnghing leh tui fawn te'n min sawi nghing lo'ng;
Mahse, kan mizia erawh tui leh mei ang ni mah se,
I tel lo chuan keimah hi ka keimah lo.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: