Di Mampui

Phuahtu: Lalchhunga
Satu: Thangromawia Thomte

Hun leh kumte liam mahse,
Kan tiam thu di vawng reng ang aw;
Kan kar lamtluang hrui ang sei mah se,
Hmangaihna rinawm vawng zel ang aw.

Aw, tunan khawiah tuan che maw?
Tawnmang lamah chuan e, Mampui;
Hlim leh lawmin kan lo lengdun a,
Aw, ka duhlai, ka di Mampui.

Mualza danah leng mah la,
Ka thinlaian i cham reng thin e;
Mahten ka fang kan sul i hnu zawng,
Ka suihlung hi a leng bik vawng vawng.

Khuanu malsawmna zaran,
Sakhmel tawnni a her chhuak ngei ang;
Tu dang, leng dang ngai tawh bik lo vin,
Suihlunglen thu i hril dun ang aw.

Tinkim ka dawn lungruk an,
Khua hmun lendun a rem si lo maw?
Kumsul lam ang lo herchhuak leh se,
Nang nen runhmun i leng dun ang aw.