29 Aug 2022

Halleluia Amen

Phuahtu: Mazuia
Satu: Freddy Lalruatsanga


Ka Lal Isua'n ka nun min hruaina dan hi,
Khawvel dana awm mek te tan zawng atna ni mahse;
Ka tana nunna min petu Lal ngei chu,
Ka thlang, ka nunkawng min hruaitua'n, ka hmangaih fo tawh ang.

Misual ka ni asin, ka Lal Isu,
Leimi te tan pawhin kei zawng mi bawlhhlawh ka ni a;
Mahse, ka Lal thar chuan, "Ka fa, i thianghlim ta," tiin,
Min thenhrang ta khawvel nen tunah, Halleluia, Amen.


Chak lo ka ni kei zawng ka Lal Isu,
Ka thinlung leh ka ngaihtuah zawng pawh nangman i hria e;
Ka kawng thlalerah Isu min kai la,
Khawngaihna vang chauh vin Lal Nunnem i hmel min hmuh tir rawh.

Sawichhiahna leh rinhlelhna chhumpui a zing,
Ka hring thinlai hi zawng Lal Nunnem nat chang a tam thin e;
Hmusittu hmuhsitna au aw tam mahse,
Engkim i hria, ka tan a tawk e, ka Lal Ngainatawm.

Hrehawm tinreng te'n min hual vel mahse,
Ka lei taksa chau vin ka hnukchah hun lo hnai mahse;
Ka Lal a ni thlamuantu Lal ngei chu,
He lei hrehawm hi ngai tawh lo vin min la hruai ngei ang.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: