Ka fak zel ang

Phuahtu: Mark Laltanpuia
Satu: The Illutionist

Hmanah chuan mi bo ka ni,
Sual lam kawng ka zawh thina;
Tunah erawh Krista zarah,
Ka sualna zawng silfai a ni tawh si.
Krista ringtu apiangte chu
Pathian fa an ni e.

Ka hlau lo vang, ka zam dawn lo,
Hmalam panin ke ka pen zel dawn,
Harsatnate, manganna pawh lo thleng mahse,
A tan ka nung reng dawn.

Lalpa'n min hmangaih e,
Misual ber pawh ni mah ila,
Ka tan a nun a hlan,
Fak lo thei ka ni lo,
Chatuan pawhin ka rul seng lo'ng,
Ka tan a inpekna hi,
Zai leh lamin ka hril zel ang,
Ka theihna zawng zawngin ka fak zel ang.

Ringtu nun kawngah hian,
Hlimlaini leh lungngaihni,
Kan nunah a lo thleng ang,
Kraws kawng chu a kawng a bumboh si,
Mahse, lungpui Krista chu innghahna tlak a ni.

Ka hlau lo vang, ka zam dawn lo,
Hmalam panin ke ka pen zel dawn,
Harsatnate, manganna pawh lo thleng mahse,
A tan ka nung reng dawn.

Lalpa'n min hmangaih e,
Misual ber pawh ni mah ila,
Ka tan a nun a hlan,
Fak lo thei ka ni lo,
Chatuan pawhin ka rul seng lo'ng,
Ka tan a inpekna hi,
Zai leh lamin ka hril zel ang,
Ka theihna zawng zawngin ka fak zel ang.

Thlemna thlipuite lo hrangin,
Tahna ruam zawh mah ila;
Engmah rengin min ti buai lo'ng,
Ka dinna lungpui a nghing dawn lo.

Lalpa'n min hmangaih e,
Misual ber pawh ni mah ila,
Ka tan a nun a hlan,
Fak lo thei ka ni lo,
Chatuan pawhin ka rul seng lo'ng,
Ka tan a inpekna hi,
Zai leh lamin ka hril zel ang,
Ka theihna zawng zawngin ka fak zel ang.