Thaibawih hmingthang ber Adama

Satu: Ngurthangvela

Thaibawih hmingthang ber Adama,
A nupui avang khanin;
Ei loh tur thei chu a eia,
Tui ang a nem duai e.

Hmingthanna ropui ber mai,
Chawimawina sang ber chu,
Lal Isua'n min chantir tawh,
Lawmin ka zai tawh ang.

Thuawih hmingthang ber Abrahama,
Pathianin a tih apiang;
Hnial lovin lawm takin a ti zel a,
Rinna Pa a ni ta.

Buanchak hmingthang ber Jakoba,
Mihring leh Pathian a hneh;
Jakob bumhmanga ni tawh lovin,
Israela a ni ta.

Thing lawn hmingthang ber Zakaia,
Lal Isua a thlen vangin;
Khawvel ro zawng zawng aia hlu,
Nunna a chhar ta e.

Lendeng hmingthang ber Petera,
Lal Isua'n a ko chhuak ta;
Peter lendenga ni tawh lovin,
Thlarau Pa a ni ta.

Lehkhathawn tam ber Tirhkoh Paula,
Chanchintha a hrilh vangin;
Tan in hrehawm tinreng tuarin,
A lo martar ta e.