30 Sept 2022

Di fam hnu

Phuahtu: Lalduhawma Chhangte
Satu: Lalkima Zote


Chhawrthlapui thangvan a kai leh ta,
Zaleng tin tualchai an hlim za e;
Kei erawh kaina run ka vai si,
Hrilh ka hai lunglam ka vai lua e,
Chhawrthlapui enga'n i lo en le?

Ka lungdi fam hnu ka ngai em mai,
Mahse, auh kir rual i chang si lo;
Chantawkah lung reng a awi thei lo.


Hmanah chuan i eng mawi lawmin,
Ka di nen hmangaihna par kan tlan;
Tunah erawh i chhuahpui si lo,
Nunkhawhar ar ang vaih nan zawng,
Chhawrthlapui herliam tawh mai rawh.

Zankhua a lo tlai val dang te'n,
Di run an bel e, nui hiauvin;
Kei erawh kaina run ka vai si,
Hrilh ka hai, lunglam ka vai lua e,
Aw, ka di, lo kir leh mai rawh.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: