Ka ngai em che

Satu: Lalkima Zote

Aw, tuan kham khuangruahpui a lo sur chang ni hian,
Ka ngai thin em asin suihlung kan rual lai te;
Tuantul dawn lo reng a khuangruahpui sur hnuaia,
In run kan nghah ni kha ka nghilh thei mawlh si lo.

Ka ngai em che asin, mi han dawn ve thin em?
I zun ngai riangte hi min dawn ve thin rawh aw;
Tuahthing phur duna e, kan sulhnu zawngte kha,
I fan chang ni chuan e, min han hrereng ang che.

I chhungte vang hian maw runhmun len a rem lo,
Mahse, hmangaih vangin kan inthen thei si lo;
Hun tawite kan chantawk thlahlel em em khan maw,
Inngai em em hian aw, kan infawp let thin a.

Hmangaihtu chung Khuanu, vawi khat chauh tal chuan e,
Ka tan malsawmna ni rawn en nawn tir leh lang;
Ka duhlai bawihtei hmangaih tangah pawm a,
Eng dang dawn lo renga tlaini len ka nuam e.