Hraite zanmu chhing rawh

Phuahtu: Lalduhawma Chhangte
Satu: Lalkima Zote

Han thlir teh chunnu, kan hraileng ve hi,
Zanmu chhin zai reng a rel thei si lo;
Lawm puan chawiin e, zuapa tang a bel,
Zua luaithli tui ang a hnam thar leh thin.

Zanril laiah maw hnuntui ngai a tap,
Aw, ka hrai riang te, awmlai nunrawng zawng hrang lo nise aw,
I chunnu ngei khan tanglaiah pawmin,
Hnuntui hnein, aw hraite, a chawi tlei tur che.

Tah lai ni kawlkung zamual liam thuai rawh,
Nunhlui ngaih hrui ang a sei tur reng hi;
Hun leh kumpuisul herchhuak zel mahse,
A nem thei chuang hian ka ring thei si lo.

Mahse, hrailengte suihlungphang lo la,
Khuanu malsawmin par ang vul ve ni a her ve ngei ang;
Lunglam min vaih tir tahlai bang tawh rawh,
Thinlai damtein, hraite, zanmu chhing tawh rawh.