30 Sept 2022

Mangtha Ma-i

Satu: Lalkima Zote

Tinkim ka han dawnin thlunglu a hai ngei mai,
Ka chhuihthangval nunhlui min ngaih tir tura'n maw;
Ka nghilh loh tur Ma-i, engah nge ka tawn kher che,
Ka thinlungah riahrun i lo rem tak mai le.

A pawi em mai Ma-i, a rem ve tawh si lo,
Nang nena runhmun len a rem tawh lo, Ma-i;
Nuthai hraichawi leng nen runrem kan rel tawh si,
Ti hian then nan biahthu ka hlan mai ang che,
"Mangtha, dam takin, Ma-i, Mangtha aw."


Aw, ka chhuihthangval lai kohkir thei nise la,
Nang nen tuahrem thaia'n duhte'n ka thlang tur che;
Tichuan duat em emin laikhum thlehnem chungah,
Hraite chawi lai iang hian ka han chul mu tur che.

Nuthai hraileng vang hian nang nen kan inthen nan,
Anka biahder hlanin lem ang ka der che a;
Mahse, khawngaih biangah mittui hliam hliamin,
Min tah khum lai te kha nghilh ni a awm thei lo.

Khuanu rem loh Di te, min liamsan tawh mai rawh,
Sul ang lengdang tawn nan khua i tlai lua ang e;
Ti hian ngai em emin thinlai tap chung zelin,
Ka thlah liam mai ang che lengdang tang bel turin.

 

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: