21 Sept 2022

Jehova tah hla

Phuahtu: Upa Rotata
Satu: Centenary Choir Ruantlang Kohhran, Nisapui Kohhran Zaipawl


Vante u, ngaithla ula,
Leilung bengchhi rawh;
Lalpa chuan thu a sawi e,
Fanaute ka chawmin ka tiseiliana,
Ka chungah an hel ta si a.

Ka mi Israel hote chuan,
Ka mi Israel hote chuan,
Ka mi Israel hote chuan,
Min hre lo, min hre lo,
Ka mi Israel hote chuan,
Min hre lo, min hre lo,
Ka mi Israel hote chuan,
Min hre lo a ni.


Aw Zoram, harh ula,
Ka hnenah lo kir leh ang che u;
Bawngpa in a pu chaw pekna thleng a hria,
Ka mite chuan an hre lo,
Ka mi Israel-te'n an hrethiam lo ve,
Lo kal ula, min tah pui r'u.

Tawtawrawt ri chu ngai teh u,
"Rawn inpeih r'u," a ti,
"Tu nge ka tirh ang a, tu nge ka tan kal ang,"
"Kei heta hi ka awm e, mi tir ta che, Lalpa,
Ka lo kal dawn e, I thlarauvin min thuam ang che."

Chhak leh thlang ami te u,
Chhim leh hmar ami te u,
Lo kal ula, lo kal thuai rawh u,
Hawh teh u, i ngaihtuah tlang dawn teh ang ule,
Insualna lo dum mahse vur aiin a var ang,
A lo var leh ang, Beramno thisen avang chuan.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: