Phuahtu: Maruati (H Lalremruati)
Satu: Maruati (H Lalremruati)
Lei hringnun buana lei hun chhiar laiin,
Hlim leh lawm, tah, lungngaih khaidiatin;
Chawlhna zawnga van ruai ruaiin,
Hei erawh min hnemtu a ni.
Ka pel ang, hring lam ka hawi tawh lo'ng,
Par tin vulna kawngkhar mawiah;
Chhandamtu'n min lo hmuak ang a,
Van hmun nuam min hruai lut dawn a ni.
Hmangaih lungduh herliam ni lo thlengin,
Beiseina zawng te'n mual an liam a;
Thlamuantu zawnga au ruai ruaiin,
Mahse, hei hian min hnem thin a ni.
Engtin damchhung chhiar ang zel i maw?
Thlaler ramro hmun ram karah hian;
Tuihna reng hmu lo zawng ruai ruaiin,
Beidawngin tap thin mah ila.
28 Sept 2022
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: