Ka van ngai dawn che em

Satu: Lalkima Zote

Chhaktiang lenkawl eng tur nipui khi,
Kei ka tan hmangaih thenna tur a ni;
In ngai em em chungin ka haw mai a tul tawh si,
Dam takin lo awm rawh aw, ngaihlai Hmingte.

Ka van ngai dawn che em kan vangkhua ka thlen hun chuan,
Ka thinlung hi i luah reng dawn si,
Zantiang chung chhawrthlapui a lo eng leh ang a,
Aw, lung i van ti leng dawn em.

Khua hmuna len loh zawng tawnni a rei zo lo,
Ngaih chung zel hian inthen a tul si a;
Hun tawi te chauh, bawihte, hlimna ni kan chang thin a,
Ka tan hawsan mai che hi a har a ni.

Tunah kan lenna tlang a lo dang dawn ta a,
Rinawmte hian lo awm thin rawh aw;
Lengdang tawnah suihlung mi hersan mai chuan e,
Ka thinlung hian a ngaithiam thei lo'ng.

Kan lenna dang mahse thaikawibawngte talin,
Hmangaihna in hrilh dun zel ang aw;
Tlaitla eng mawi leh e chhawrthlapui eng hnuaia'n,
Min han hrereng thin rawh aw, ngaihlai Hmingte.