Phuahtu: Mawia Bawitlung
Satu: Zirtluangpuii
Tuantual vanga in vang khua rawn belin,
Chhingkhual runah dar ang tawng che in;
Ka vei reng thin i kimtlang mawi zawngte,
Nang ngaih vang hian zan mu chhin a har a sin.
Theih nise hmangaih biahthu hlan che ka nuam a sin,
Lungrun, nang nen runhmun lendun ka nuam ngei e;
Mahse, lungrun, dar ang tawng leh tur che hian,
Mual za pui kar danah kan leng si maw.
Thang vansangah chhawrthla a en chang hian,
I tawnah suihlunglen a zual leh thin;
Riakmaw va leng iangin len thiam ila,
Ka chuan ngei ang lungrun, in vangkhawpui.
Aw le, lungrun, damtein leng ta la,
Chung Khuanu'n venga awmpui tur che in;
Ka duhsakna i tan ka rawn hlan e,
I zun ngaia ariang lungmawlte hian.
0 comments: