Lettu: Lalthankima
Satu: Zemabawk Vengthar Kohhran Zaipawl, Champhai Vengsang Presbyterian Kohhran Zaipawl (2006)
Tlaitla eng mawi kawngkhar hawn tur chu,
Panin ka kal mek a ni;
Ka thlir nitla eng lo lang tur chu,
Ka in nuam min thlen dawn si.
Tlai ni tlak hun a hnai ta,
Min kohna dar ri a leng;
Tlai dar ri mawi min kohna,
Ka thinlungah a lo thleng.
Dam lai ni hi a tlak hun chuanin,
Chawlhna nuam tak a awm ang;
Ni tlaka ka kawngkhar hawn hun chuan,
Ka thla chau a rum tawh lo'ng.
Ka lenrual duhte sirah chuanin,
Ka buaina ka mutsan ang;
Tin, min kohna aw nem chu ngaiin,
Mangan reng ka hlau tawh lo'ng.
Tin, kawngkhar eng mawi takah chuanin,
Ropuiin ka tho leh ang;
Thihna puan chul hnu chu hlip tawhin,
Ropuina puan ka sin ang.
Source: Kristian Hla Bu No. 458
0 comments: