4 Sept 2022

Pangpar

Phuahtu: SaiWanah
Satu: Omomi Khiangte


I hmangaih zin kawng zawh a zimin a bumboh,
Hmangaihtu nei lo va inngaiin;
Chhunni i vui, tlai tla i thlir liam,
Hringnun dan leh hrai bosalin,
Tu dang ngai lo va leng dunin,
Ka nihna ang ang hian min pawm la,
Kei paw'n i nihna ang angin ka pawm nang che.

Zawhna i nih chuan kei chu chhanna ka ni,
Zai mi i nih chuan kei chu rimawi,
I tan ka awm reng tih hi hria la ka duh,
Eng hianin nge maw i suihlung ti hnur?
I tan ka awm reng eee... i tan ka awm reng e,
I tan ka awm reng eee... i tan ka awm reng e.


I chaklohnaah hian chakna ka hmu a,
I famkim lohna hian a ti famkim che,
Ka tawngkam thiamna paw'n a sawifiah zo lo,
Eng ti kawng zawng paw'n,
Ka hmangaih lo thei lo che.

I riangin i mal lo tih hi hria la,
Beidawng ngai suh aw,
Hmangaihtu i nei Khuanu leh keimah.

Khuai i nih chuan kei chu pangpar ka ni,
Damlo i nih chuan kei chu damna run,
Hlim leh lungngaihnia i bula awm reng tur.

 

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: