A fan ril ngei

Phuahtu: H Lalrinfela
Satu: VL Hmangaihtharzeli Parte

Babulon luikama thu hringnun chhiara Lal zunngaite tap thawm chuan,
A fan ril ngei ka ti, van khawpui laitual a nghawr nghing e;
Lungruala lenza hun nghakhlelin an thlir Jerusalem thar khi.

Lalpa tlansa thuthlungfate chu an kir leh ang,
Hla sa chungin Zion chu an thleng dawn;
Lawmna leh hlimna changin lungngaihna leh rum a bo tawh ang,
A hmela damna awm avang chuan par ang kan vul tawh ang a.

Lei hrehawmah hian zawng maw a hming vangin tlangrel sawichhiat kan phur a,
Tunlai tuarnate hi van ropuina kan chan tur nen chuan;
Tehkhin tham a ni lo, nunna lallukhum changin kan leng dawn si.

Van khawpuia han leng te'n natna leh lungngaihna reng an tuar tawh lo'ng,
Duhsak leh hmangaihin ning lo te'n lungloh tui an dawn ang,
Nunna lui tui kamah chawlin an leng e, tahlai an bang tawh si.

Lawm a kim tawh dawn sia, lungduh lenrualte nen tualkhata lengin,
Sala kan tanna lei, Setana lalna ram kan chenna hi zawng,
Ngai tawh lovin maw zai kan vawr tawh dawn si, chhandamtu kiangah chuan.