Beiseinain

Phuahtu: Tetei Ralte
Satu: Tetei Ralte

Awmkhua a har mi liamsan ni khan e,
Suihlung zawng a leng e, eng dang ka dawn thei lo;
Thinlai rukah i cham reng thin asin,
Aw, min ngai ve thin em? Aw, min vei ve em?

Laikhum zalin ka dawn thin che,
Ngaihlai i bang thei lo;
Aw, suihlung a leng em mai,
Engtikah nge kan in tawn leh ang?
Tiin beiseina nen ka thlir,
Ka thlir, ka thlir reng thin che.

Kumsul veiin tawn nan khua reng a sei lua e,
Ngaih lai i bang thei lo, aw, awmkhua a har mi u,
Mahte'n lunglen tuar thiam a har, aw, lungrun,
Nang nen tawn ni lo herchhuak thuai se,
Mi u, chutin thinlai na pawh a dam ngei ang.

Tuan tul vangin tlang dangah min liamsan mah la,
Kumpuisul tam pawh lo vei thin mahse,
Kan tiam rinawmna vawng dun zel ang,
Karah hmelma doral lo lian thin mahse.