Theih chang se

Phuahtu: Tetei Ralte
Satu: Tetei Ralte

Hlimte'n lenlaiin thennan biahthu min lo hlan,
Tuar har ka ti, enga'n kher nge ka lo tawn che;
Luah loh tur di Valmawi, i zuna uai tura'n,
Enga'n kher nge Khuanu hian min lo duan le?

Awmkhawhar chang hian ka dawn thin che a,
Ngaih a bang lo, hlimtea kan lenlai ni te;
Kir leh hian an mawi tawh si lo,
Theih chang se, tuan leh ka nuam e,
Aw, theih chang se, tuan leh ka nuam e.

Thuva ianga thlawkin kan lenna tlang lei luai,
Hrut lehin nunhlui zamual liam mai tur te;
Auh leh ka nuam lam ang lo kir atan,
Tangah beiin biahthu di hlan leh ka nuam e.

Kir leh hian an mawi tawh si lo,
Theih chang se, tuan leh ka nuam e;
Mahse, nang zawng zuapa chun hraileng chawi nen,
Hlimte'n in leng, kei zawng mahriaktein e,
Dawn thiam awm maw, kei ariangte hi,
Hnemthiam awm maw, hringmi leng zawng zingah hian.