Chhuahtlang hmun hlui (Thingthelh)

Phuahtu: V Lalramtiama
Satu: Thingthelh Welfare

Kumsul tam lo veiin hun leh nite her liam zel mahse,
Thinlaiah a hlui ve lo hmanah ka lenna vangkhua;
Panlai rualhlui te leh lenrual lungduh te zawng nen,
Vangkhaw mawia tual kan chaina.

Hmana kan sul i hnu tinkim dawna fan changni hianin,
Hmana suihlungrual hnu dar ang an kim ta si lo;
Khiangawi, thlangkhuandimin famrolungmual te lawiin,
An liam zel si vanglaini nen.

A tu'n min sel lo se thinlairukah,
Sawitam tlangrel puan ang min ban lo se;
Chhuahtlang hmun hlui ngaih suihlunglen biahthu hi,
Zaitin vawrin ka hril lo thei lo.

Lengi leh vala te'n ramtuan rela sawmfang lamtluangah,
Pheilai vawr siau siauva kan tuanna tlang leh mual te;
Thiamzir rungsang lawia thaikawi ziahtial kan zir lai,
A cham reng thin chhingmitthlaa'n.

Thlangkhuandima khiangawiin hrai duh leng chawi mah ila,
Tlangtin, mualtin bela vangkhaw tlang hrang lawi pawhin;
Suihlunglen biahthu leh vanglai nun te hrilin,
Chhuahtlang ngaih suihlung kan rual e.