20 Oct 2022

Kan phal thei lo

Phuahtu: Dr. Zauva & Ramdina
Satu: Pensy & Ramdina


An thawm rimawi chu i hria em?
Sipai pawl tawtawrawt ri chu;
Chatuan pialral chu lawi turin,
An thlahliam ta che mittui nen.

I lo thlir em pialral kawngkaa'n?
Kir tiang i rel ang'em theih chang se?

Han thlir ve la van atangin,
I hrailengte'n an koh che chu;
Lo chhang ta che zuapa, an ko che,
Lung kha phang ngei nuthawi lungmawl hi,
Engtinnge ka chhan ang? an koh che chu,
Chhingmit khar hnu lo meng leh mai la,
Kan phal thei lo i hraite leh chhunu'n,
Zuapa tel lo tlaini len kan zuam nem le,
Lunglai herin lo kir leh mai la,
Zuapa i tang belh leh kan chak ngei.

Khuarei hian min hnem an ti maw?
Lungduh thlafam zunleng ngaih chu;
Kei zawng nghilh lai reng ka phal si lo,
Aw, theihchang ve seng Joshua iangin,
Chelhdin ka nuam ngei e, ni leh kumte,
Thinlairukah nang nghilh reng ai chuan.

Kan phal thei lo i hraite leh chhunu'n,
Zuapa tel lo tlaini len kan zuam nem le,
Lunglai herin lo kir leh mai la,
Zuapa i tang belh leh kan chak ngei.

A sawt love tahlai bang la,
Lei hringnun zawng a tawi lua e;
Chatuan ramah lengdun turin,
Kan Chhandamtu chu zui zel la,
Ka lo nghak ang che pialral kawngkaah.

 

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: