Exam hla

Phuahtu: Tza Ralte
Satu: Tza Ralte

Exam pawh kar leh lawk a ni leh ta,
Engmah erawh ka la thiam lo;
Ka rilru lah a hah thei der bawk si lo,
Engtin nge maw ka tih ang le?
Pawi lo, naktuk atang ka zir mai ang.

Lehkha zir ka tum apiangin,
T.V a hmuhnawm zel si;
Ka net lah a chak tulh tulh mai bawk si,
Reply tur an tam, lunglen pawh a zia,
Zanin chu i zir lo leh phawt ang,
Zanin chu i zir lo leh phawt ang.

First division a pass duh ve bawk si,
Engmah erawh ka la zir lo;
Second division tal tum zawk mai teh ang,
Fail ai chuan a tha tho a lawm
Aw le, zanin atang ka zir mai ang.

Exam pawh naktuk lawk a lo ni leh ta,
Engmah ka la zir chuang si lo;
A pawimawh thiam tur tal thiante zawt teh ang,
Pass ve theih hram i tum teh ang,
Hui ha! exam hall-ah ka tang mai ang.