2 Oct 2022

Her chhuak leh se

Phuahtu: Thangliana Colney
Satu: Johan H Lalmalsawma


Thinlai hnemtu Di ka enchimloh,
Suihlungrual te'n maw nang nen a;
Zaitin kan vawr lai kha,
Kumsul liamin hmanlai an chang zo ta.

Dawnkir chang hian suihlung a leng zual thin e,
Min dawnkir ka ring tawh si lo, aw...

Thenrual zawngte tudang ngai lo te'n,
Kawplai di tang nem belin maw;
Hlimte'n an leng siau e,
Kei erawh chuan chhai tur ka vai ruai e.

Di ngai reng hian lunghlui a leng zual thin e,
Hnemtu thaleng ka tawng ve si lo.

Herchhuak leh se, aw, kan hlimlai nite,
Kumpuisul tam pawh liam mahse,
Tawn leh ka nuam thin suihlungruala,
Hlimtea kan lenlai zawngte,
Mahse, kir zai an rel si lo.

Hmangaih duatlai, sam ang inthen zawng,
Tuar zo thei bik zel hianin maw;
Ngaihlai ka ring lo che,
Tuantul vangin mual tam min liamsan si.

Lo kir leh la, kan vangkhua run in pelin maw,
Zun phur kei ariang lunglawm nan.

Herchhuak leh se, aw, kan hlimlai nite,
Kumpuisul tam pawh liam mahse,
Tawn leh ka nuam thin suihlungruala,
Hlimtea kan lenlai zawngte,
Mahse, kir zai an rel si lo.

Herchhuak leh se, aw, kan hlimlai nite,
Kumpuisul tam pawh liam mahse,
Tawn leh ka nuam thin suihlungruala,
Hlimtea kan lenlai zawngte,
Mahse, kir zai an rel si lo.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: