Theih se

Phuahtu: Thangliana Colney
Satu: Johan H Lalmalsawma

Zantiang siar, aw, a lo en chang hian,
Thinlairuka'n hian i cham thin;
Luah loh tur di zawng ni mah la e,
Nang ngaih lunglen reng ka bang thei si lo,
Karah biahthu hrilh lo vin min liamsan ta si,
Awmkhua a har thin.

Theih se in run sang lo kaiin,
Hlan che ka nuam ngei e, aw, sakhmelmawi;
Then lohna biahthu ngei chu hlanin,
Leng dang chu sirah hnawlin ka thlang ber che,
Mahse, sakhmel tawn ni reng a her thei si lo, lungrun.

Nang nena hlimtea lenlaini khan,
Enga'n ka hmangaihna biahthu,
Kimte'n i tawnah ka hlan loh le,
Lungchhirin luaithli ka nul leh thin a,
Nang chauh ka hmangaih vang hian,
I tan hun leh ni ka lo hmang liam thin.

Mahte'n kan vangkhua ka fan chang ni hian,
Nang ang renga pian zei hmeltha;
Lunglai min hnem thiam ka tawng si lo,
Aw, khawia'n nge maw i tuan tak mai le?
Kan vangkhua lamtluang chhuiin,
Lo kir leh nang che lunglawm kim ve nan.