Hlimten zai vawrin

Satu: Central South Division Songster

Hringfa suala bo hnu a khawngaihnain min rawn zawng chhuak ta,
Kan sual tlanna turin a va hluin a va thuk em;
Kei mi sual min tlanna hi ka dawnkir chang hian;
A ropui em e, ka phu si lo, hmangaihna, hmangaihna hlu,
Chatuan ata chatuan thlengin ropui ber rawh se.

Hlimte'n zai vawrin lam ila la..la..la..la..
Perhkhuang tingtang rimawi nen i zai ang u,
Kan tana naupiang chu lawmin zai ila,
Hlim takin amah fakin zai zel ang u.

Tlaini kawl a eng ruai zing tiauchhum a zing,
Thing leh mau, nungcha hramthiam rimawi zawngte;
I ropui zia an lan tir eng dang reng ngai lo vin,
Hlimte'n tual an leng, i van mawinain i chawm seilian a,
I thil thlawn pek hlu an tar,
He lei par mawina zawng hi i kutchhuak vek an ni.

Hringfa leng zawngte hian chibai kan buk che,
Lawmna mittui nen i hnen kan rawn pan;
Lal thar pianga chu chibai bukin,
Lei rosum zawngte hian a lei zo si lo,
Heti ema min hmangaihna ropui hi,
Hril lo hian ka mawi si lo,
A thiltihtheihnate hi ka puang zel tawh ang.