6 Oct 2022

Lawmna kim

Phuahtu: Larry
Satu: Kimkimi, Central North Division Songster


He khawvelah hian hlimna ka zawng thin a,
Mahse, khawvelah hlun tur reng an awm lo;
Hei hi ka hre ta, chatuan nunna thuruk,
Kristaah lo chuan innghahna a awm lo.

Aw, lawmna kim, chatuana lawmna chu,
Ka hmu ta e, hlimin ka zai zel ang;
Tawm kai lo ber a faah min pawmin,
Hnehna lallukhum hlu chu ka tan a lo ni.


Mahni chaknain Lal rawng ka bawl thin a,
Mahse, Lalpa kawng daltu mai a ni si;
Ama duhdan leh a thupek awih mai hi,
Thlarau malsawmna dawnna kawng a ni si.

Lei malsawmna leh ropuina thlir lo va,
Vana a ro chan thlirtu ringtute chuan;
Khawvelin a pek theih loh Krista thuruk,
Thlarau malsawmna thlamuanna an nei thin.

 

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: