6 Oct 2022

Hmangaih L.T.L

Phuahtu: Ngurdailova
Satu: Helen Zaithankungi, Lalbiakhluni Colney

Leng zawng hian min tuarpui ve ang maw lunglen,
A ngur chawi loh ka di Lalhniangi zunngaih hi;
Luah lai a rem thei rih si lo ka di ve hi,
Tinkim dawnin lunglai a dam thei ve lo.

Uai maia'n ka phal lo hmangaihna par mawi,
Lung reng a awi thei lo hai ang kan tar mai tur;
Inher chhuak lul lo se hai ang kan tar ni tur,
A na em e, hmangaih zunlenga uai hi.

Nunhlui ngaihna nikhua a sei dawn mang e,
Ka ngai ngam lo ve hmangaihna chul mai tur hi;
A tuar thiam reng hian ka mawi lo suihlunglen hi,
Hmangaihna par ang chul tur a pawi ber mai.

Mual an liam zo ta kan hlim, nuih lai nite,
A ngaihawm mang e, Lalte, hmangaihna vul lai;
Nghilh thei reng hian ka mawi lo hmangaihna vul lai,
A chuai mai ta si aw, tiamthu di zawngte.

I sakhmel mawi nghilh ni reng ka nei lo'ng e,
Hmana lungrual tea kan len lai ni zawng nen;
Chuailopar iang i sakhmel mawi hmangaih L.T,
Enchim loh 'L' ka tan tahna i lo ni.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: