Phuahtu: Lalzova
Satu: Helen Zaithankungi
Suihlung reng a dam nem maw ka dawnin,
Lawmlai ka suihlung hnemtu'n;
Thinlai nuarin suihlung mi hersan si,
Nuihiau tleidang par lawmin.
I tel lo chuan e, tlaini len a har,
I kianga awm hi ka ning lo;
Duhte'n i tang laiah mi pawm leh la,
Nau ang tah ka bang ngei ang.
Zaleng dang lenmawi nuihiau par lawmin,
Lungchim te'n i nui reng hi;
Ka dawn sei ngam lo, awi, a na, ngaih a zual,
Ka tahna tur renga'n maw.
Hmanah kan lawmlai par tin lawr dun a,
Suihlung kan rual lai ni te;
Biahthu di tinkim hrila nuih lai ni,
Tawng leh hian ka mawi si lo.
Ar ang ka vaih khua a sei tur dawn ve la,
Lungchhir lo te'n lo let la;
Kumtluanga nang nen nau ang nui dunin,
Len dun ka nuam, awi, nang nen.
0 comments: