Hmangaihna Sangzuali

Satu: Lalkima Zote, H Lalchawimawii

Kumsul lo vei tur hi kei zawng ka ngaingam lo,
Di ngaia ka tahna khua ti sei mai tura'n;
Dar ang lenlaini leh biahthu hrilh lai zawng te,
Ngaih loh lai reng reng a awm thei dawn lo.

Sakhmelah enchim loh Hmangaihna Sangzuali,
Lunglai ti hlimtu leh lawmna tikim thintu;
Heti maia sam ang kan inthen mai tur hi,
Bawihte, biahthu kha a der maw ka chan.

Ana lua e, bawihte, ka tawnah nem leh rawh,
Lung mi hersan mai hi dawtthu leng mai vang maw?
Han dawn la lungrukah kha zawng biahthu kan hrilh,
Inchhirin lungrun lo kir leh mai rawh.

Aw le, i tum leng chu pawm zai chu rel ta la,
Kei chu mahte'n phaikuam ram tuan ka rel ta'ng e;
An hrilh thiam bik lo'ng che zaleng lungrual zawng te'n,
Kei chu vanduai Khuanu ruat reng ka ni.

Ka chung thangvansang khi hmangaihte an lenna,
Kei pawh chutah hlimte'n ka len ve hunah chuan;
Nang ngaih vanga ka tah, ka mittui tla zawng hi,
Puan ang hnawlin ka ngai tawh bik lo'ng e.