I tan ka theih tawk

Satu: H Lalthakima

Kumsul tam a lo vei ta, ngaihlai, i thar thin,
Nang ngaih vang hian luaithlinul, aw, a tul leh thin;
A rem tawh si lo nang nen run hmuna len ve hi,
Tawn loh kar rei luat vang maw, sam ang kan inthen le.

I tana ka theih tawk chu hriatrengna mai leh,
Nunhlui ngaia tah tul leh lungchhir reng mai hi;
Chhawrthlapui en chang tal chuan, aw, min han dawn la,
Min hrechhuak ve thin rawh aw, di hlui chang mah la.

Thinlaia'n i hlui si lo, kum tam a liam hnu paw'n,
I cham reng mai lairila'n tuah rem loh di tawn chu.

Tunah zawng hrailengte nen tuantulin kan leng si,
A mawi lo lunglen biahthu kara hril dun leh chu.

Mangtha, aw, mangtha mai le kumtluang atan di hlui;
Khuanu leng tuah rem loh tur di maw kan lo nih le?