17 Oct 2022

Lalpa hmangaihna

Phuahtu: Upa T Romama
Satu: BCM Aizawl East Pastor Bial Zaipawl (2017-2018)


Nun sang tam tak neiin rawngbawl ila,
Awmawi chhiarsen loh neiin fak mah ila;
Inpumpekin nunna hial pawh hlan ila,
Lalpa hmangaihna ka hril zo thei lovang.

Vur aia varin ka sual min silfaia,
Ka thlarau vakvai min zawngchhuak a;
Min chhandamna ka tan a sang lua e ka ti,
Nghilh a har dawn mang e he khawvelah hian.


Lei hringnun hian a chhuichhuak zo lo ve,
Eden kawngkhar hawn leha awm theihna hi;
Kan tan Zion panna kawng a in hawng a,
Lalpa hmangaihna tunge hril zo thei ang?

Aw, Lal Isu, ka tan engkim i ni,
I hming ropui fak chungin nung thei ila;
Min hruai turin nang ka thlang nawn leh a che,
Ka ngai a che, aw, ka ngai dawn em a che.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: