2 Oct 2022

Min kai ang che

Phuahtu: R Zonunmawia
Satu: Lancy ft. Pisgah

Nunhlui ka dawn chang hianin,
Lung reng a awi thei mawlh lo;
Krista tel lo ka nun zawng te,
Min ngaidam ang che, Lalpa.

Hlimna zawngin ka tlan thin,
Nun hahchawlhna ka hmu si lo;
Lalpa, i hnen ka rawn pan,
Lalpa, min lo kai ang che.


Hmingthanna leh sanna te,
Lei ropuina ka dil zawng te;
Nei lo vin rethei mah ila,
Ka lawm zel ang, Lalpa.

Thinlung lungchhia leh inchhir hi,
Min ensan suh ang che, Lalpa,
Lalpa, i hnen ka rawn pan,
Lalpa, min lo kai ang che,
Lalpa, min lo kai ang che.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: