Min nghilh tir suh aw

Phuahtu: Kima Chhangte
Satu: Johan H Lalmalsawma

Hmanah chuan e, "ti hian," tiin,
Hlimte'n lenlaini kan chen e;
Tunah erawh mual an liam e,
Chuai ri riai e,
Samtlang hmun hma fan lai zawng te kha,
Thamral si lo, aw mitthlaa'n,
A cham reng thin,
Aw lungrun, nang nen intawnni te kha.

Thlir ninawm loh hriat loh sakhmel kha,
Thinlaia'n a cham vawng vawng;
Tawnni rei lo, tawn loh ni lah rei sei,
Khawia'n tuan che maw, bawihte,
Min nghilh tir suh aw,
Sakhmelmawi, zun par rimtui.

Kum hian hril s,e ka lunglen hi,
Hun hril se, intawn leh ni tur;
Kei ka thai chang mai la chuan e,
A kim mai tura'n,
Chhawkhlei par mawi thliah ta che ila,
Kumtluangin min tiam thei ang maw,
Ka lunglai luahtu,
Ngaihzual nang nen lendun ka nuam e.