Tete, ka hmangaih che

Phuahtu: Siamsiami Chawngthu
Thluk siamtu: Laltanpuii Hnamte
Satu: Johan H Lalmalsawma feat Awmtea Polymer

Hriat ngai loh tleitiri,
Thinlai luah zo ngei e,
Sakhmel tawng lo mah ila,
I ankanem leh hmelthatna zunzamin,
Hrui ang min phuar, min phuar a zo ta si.

Zankhua a tlai, i zun ngaih a na ngei e,
Nang tawn ni tur ka dawn changin;
Hawn zai lo rel tawh la,
Aw, Tete, ka hmangaih che.

Thangvan zawlah siar zawng te thiangte'n an leng,
Kei zawng mahriaktein maw;
Ka di tawnni tur hlel ten ka thlir thin,
Damte'n Khuanu'n ka tan ruat ve ngei ang.

Lenkawl eng ruai leh van dumpawl te,
Turni dam duai leh siar leng te;
Hnuaiah lengin, Tete, kan kar a hla,
Intawn ni tur chhawrthla iangin kan thlir a,
Nang nena lena, ni tina inzuia,
Runhmuna i tang beia sawi tur a tam ta,
Lalzova fam ta iangin ka fam mai awm e,
Nuhnun ngaia tap nausen iangin ka kham thei lo'ng che,
Fawh vawng vawng che...
Ka nghak thin, ka chak thin,
A tak ram thlen ka sawi ngat ngat thin,
Kar mah hla se min thlungtu biahthu hi,
Ti nghet telh telhin...
Ni tin, zan tin inbiak ringawt hi a tawk tawh,
Ka thinlung ni lo va i cham hi a rem tawh lo,
Lo haw tawh rawh...

Lo haw thuai rawh, chhun ni, zan a rei lua e,
Awmkhua a har i tel lo chuan;
Nang ngai leh i hlimthla ka thlir changin,
Hun leh ni te ka chhiar liam thin asin.