Mo fel hmeltha run timawitu

Phuahtu: Rosangliana (Zorock)
Satu: Rosangliana (Zorock), Matilda & The Quest Cover

Ka chun nunnemi'n e, i zuna ka uai hi,
A phal lo, aw Mampui,
Nang vanga thlafam ka chang tur a phal mawlh lo,
Ka chun nunnemi'n e, i zuna ka uai hi,
A phal lo, aw Mampui,
Nang vanga thlafam ka chang tur a phal mawlh lo.

Eng chen nge maw i zunah ka uai zel dawn le?
Aw Mama, i chun leh zua min dawn rawh,
Hai ang kan tar ta mo thar kan duh,
Tleitir hmeltha zawng rawh min ti,
Mo fel, hmeltha, kan runah lo lawi la,
Mo fel, hmeltha, run timawitu kan nghakhlel.

I chun leh zuate'n ariang vala hi,
Min duh lo maw, Mampui?
Sawitam tlangrel an dawn vang em ni le?
I chun leh zuate'n ariang vala hi,
Min duh lo maw, Mampui?
Sawitam tlangrel an dawn vang em ni le?
Kei chuanin e, chan mai che ka hlau em a ni,
Aw Mampui, i chun leh zua dawn lovin,
Nang leh keia chan tur dawn zawk rawh,
Kumtluang runhmun lengdun turin,
Nunnem, zaidam, kan runah lo lawi la,
Tleitir hmeltha, zanin ngeiah lo lawi rawh.

Eng chen nge ka thlir dawn che?
Ka nghak ang che zankhua rei thleng pawhin,
Khuan hnih maw, khuan thum maw, khuan li thleng pawhin aw,
Eng chen nge ka thlir dawn che?
Ka nghak ang che zankhua rei thleng pawhin,
Khuan hnih maw, khuan thum maw, khuan li thleng pawhin aw,
VIP kha han thehchhuak mai la, min zui mai rawh.

Aw Mampui, i chun leh zua dawn lovin,
Nang leh keia chan tur dawn zawk rawh,
Kumtluang runhmun lengdun turin,
Nunnem, zaidam, kan runah lo lawi la,
Tleitir hmeltha, zanin ngeiah lo lawi rawh.