Phuahtu: Lalrammawii Sailo & Kima Chhangte
Satu: Pensy B Lalthangliani
Tlangtin chuanin han hawi ta la,
A hring mawi hluan e, Zoram hi;
I humhalh zel ang u, thang leh thar tan,
Ka neih chhun ram a ni, i humhalh ang.
Tul lova ram i tih kan te khan e,
Tu pawi nge i sawi tak le?
Zirtirna tha kan dawn thin te hi,
Vawng nung zela ramnuama siam turin,
Tu pawh hi kan pawimawi tlang si a,
Tangruala ramngaw humhalh hi kan hna,
Kan thupui chu lo ni zel sela.
Ram tan enge i tih ve theih ang?
Hei baka hlu a awm chuanglo;
Tu tan mah an par an chhuah silo,
Nang leh kei tan asin Siamtu'n a duan.
I tu leh faten sawi tur ram nuam,
An neih theih nan i bei ang u;
Tun hun hi a ni siamthat hunlai,
Suattu a tang lovin vengtu ni rawh.
Boruak tha leh tuihna siamtu,
Sik leh sa min vawnhim saktu;
Leilung luangral tur i humhalh ang u,
Thilnung tinrengte nen kan len dun theih nan.
0 comments: