An hrilhfiah

Phuahtu: C Lalzarmawia
Satu: Zorema Khiangte

Min hmangaih tih ka hria, i thilsiamah a lang,
Ka lei leh ka duhzawng ka mawi tih zawng ber leh;
Ka thinlung chhungril ber luah thin i kutchhuak te'n,
Min hmangaih an hrilhfiah.

Eng pawh mai hian min hmangaih tih a hrilhfiah,
Misual ber hi nangin min hmangaih a;
Ka tan i hlu, i tan ka hlu tih ka hria,
Lalpa, ka va lawm em.

Min hmangaih tih ka hria, min enkawl danah hian,
I malsawm min vur te'n min ngaihsak zia an hril;
Hmangaihtu min pe a, hmangaih tur min pe a,
Min hmangaih an hrilhfiah.

Min hmangaih tih ka hria, i tuarnaah a lang,
Pathian fapa meuh kha nunna ka neih theih nan;
Thing krawsah an khaia saruak mualpho berin,
Min hmangaih i hrilhfiah.