Vangpui

Phuahtu: Opa Chenkual
Satu: PC Lalnunpuii

Vangpui a lo thleng a, sikni a herchhuah hunin,
A mawi thin, a par vul e hringnun damlai;
Theih chang se chelh din ka nuam e,
Zaleng zawngte kan hlim lai.

Leng len a lo hunin,
Chhuihthangvalan lengi run a kai a;
Suihlungrualin an lawm e chhawrthla eng,
Biahthu hlanin tu dang, leng dang reng an ngai lo.

Boruak a thiang ngei e, raltiang ka thlir vawng vawng,
A mawi ngei suihlung mu hnu a tho leh e;
Kohkir theih han chang teh se la,
Nunhlui mual liam hnu zawngte.

Vangkhua kan mawi za e tuantul reng a na lo,
Hrailengten laitual an mawi an chiar nghian e;
Hranghluiten vanglai an hril a,
An chhuikir thin e hmanlai.

Lanu, val rualte pawn luidung ngaw an bel a,
Lenlai chen an thawm a mawi, a ngaihnawm e;
Thenkhatten ramdai an hruat a,
Duhsamin an hmang vangpui.

In di rialin damlai hringnun par an tlan e....