Kan tum ram

Phuahtu: CS Lalrothuama (Thuamtea)
Satu: K Lalremsangi

Lalpan min hmangaihna hi aw ka puang zel dawn
Harsatna tinreng karah a kut chakin min kai a;
Lei hrehawm ramah hianin van nun min tem tir thin,
Ka fak ang, ka fak zel ang min hmangaihna ropui hi.

Fa tak roluahtute'n kan khualzinna ramah hian,
Varparh arsi en zelin;
Kan tum ram chu min hruai thleng ngei ang.

Dan anga rawngbawlna chuan rei a daih si lo,
Thlemna a lo thlen changin lungngaiin a chau thin a;
Hmatiang sawn zai rel lovin chauin a tlu leh thin,
I awmna atang khanin Lal Isua chu pan thuai rawh.

Thlarau Thianghlim malsawmna changtu zawng zawngte hi,
Kan hmaah fiahna tam tak a lo thleng zel dawn si a;
En tur dik tak en chungin kawng dik chu zawh zelin,
Kan thleng ang chu ram nuam leh hmangaihna khawpui mawi chu.

Khawvel thiam leh finna hian rei a daih si lo,
Hlun tur reng a awm si lo nitin hian a ral zel e;
Lei hausakna innghahna tlak a ni si lo,
Lalpa tihtute zawng chuan chatuan lawmna an chang ang.