16 Dec 2022

 Zirtirtu Isua

Phuahtu: Upa B Bawlkhuma
Satu: The Sower, Tlangnuam Pastor Bial Zaipawl (2021 - 2023)


He khawvelah Lalpa Isuan,
Thahnemngai takin a zirtir a;
Mi tam tak ahnen rawn pantute khan,
"Zirtirtu" tiin an ko va.

Nikodema'n Lalpa Isua,
Zan khawhar taka a rawn panin;
A duh thil tinrengte a rawn zawh chuan,
"Rabbi" tiin a rawn ko va.

'Rabbi' tak a ni, min hmangaihtu a ni,
Thlamuanna a pe tidamtu Isuan;
Thahnemngai takin a zirtir a,
Malsawmna tinreng a hlan.

Bartimaia'n Lalpa Isua,
Damna beiseia a rawn panin;
Thuhnuairawlh taka amah rawn biain,
"Rabboni" tiin a rawn ko va.

'Rabboni' a ni, min hmangaihtu a ni,
Thlamuanna a pe tidamtu Isuan;
Thahnemngai takin a zirtir a,
Malsawmna tinreng a hlan.

Galili-ah Lalpa Isua,
Thlaphangin an pan, a zirtirten;
Thlipui leh tuifawnte hau reh turin,
"Zirtirtu" tiin an ko va.

'Zirtirtu' a ni, min hmangaihtu a ni,
Thlamuanna a pe tidamtu Isuan;
Thahnemngai takin a zirtir a,
Malsawmna tinreng a hlan.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: