26 Feb 2023

A tih sak che theihnghilh suh

Phuahtu: C Lalzarmawia
Satu: Zorema Khiangte


Ka dawn thina kan ram a dam lo ve,
Kil tin leh hmun tin a na,
Thlir vel hianin beisei bo chang ni a tam thin,
Lunglai a phang thin e.

Mak tak leh ngaihnawm taka din kan ni a,
Lalpa din ram leh hnam hi;
Aw Zofa, tho la, Lalpa lam hawi ang che,
A tih sak che theihnghilh suh.


Zofa zawng te'n hlauh tur tak hlau ila,
Lalpa, lam i hawi ang u;
Thinlung rilah i lungthluk loh thil tih ban la,
Sual kalsan a hun e.

Unau kan ni, kan mual leh tawng a hrang,
Chhulkhatkual erawh kan ni,
Thisen chauh lo pawh Kristaah kan inzawm vek si,
Tlang hrang kan dang chuang lo.



SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: