Pen khat ka pen

Phuahtu: PC Lalneihtluanga

Thluk siamtu: Muantea Hauzel
Satu: One In Christ

Manganna phurritten min delh chang ni hian,
Damlai nun tawp mai se ka ti thin.
A ngaihna hre lova a lam ka han hawi chuanin,
Thinlung lawmna thuruk min pe leh thin.

Hlim takin ka zai ang ka zai ang Halleluiah,
Ka tlantu chu a nung tih ka hria.
Engma'n min ti nghing lo'ng ka lungpui Krista a ni,
A man engkimah min lo hualhim thin.

I remruat chu ka tan hriat thiam har mahse,
Ka rinna che a nghing ngai lovang.
Tui hna thar a lo luan chhuah theihna tur atan,
Keimah zawk hi ka tlawm a tul si a.

Amah ka duhnain pen khat ka pen chuan,
Ka lam hawiin pen sawm a lo pen thin.
Hriat thiam rual loh khawngaih leh hmangaihna chuanin,
Chatuan fa nihna chanvo min lo pe.