26 Feb 2023

Rimawi ram

Phuahtu: Vankhama
Satu: YMA Zaipawl Bethlehem Vengthlang Branch


Lentupui chawi vel Zo tlang kan ram nuam,
Daifim tling khawm siktui thiang luanna;
Hram thiam va tin leh reng siahthing zar bawm,
Ram awih thiamte’n nilen zai lo sa;
Thalah hnah hlui lo til chawr tin duata’n
Lung tileng thal romei a lo zam a;
Thing tin zara'n lo vul fur khaw thiangan,
Huiva, rengchal, ngirtling, lelthang zaina.

Kan Zoram, rimawi ram leh thiang karah,
Herhse, khiang leh ngiau par rimin min thawi;
Lunglen zual tukram chul hlui fan ni hian,
Thuva di zun zaiin nemte'n lo awi.


Kawl a lo ngui, zaikung hlui an lo tin,
Kungthar zo awi losul kawrnu leng;
Khua lo thim, pawnga zaiin chawih mual tin,
Chheri chawmkhuang katchatin lo rem.
Lentu kai vel no nghial chhawrthla engah,
Baki eng lawm nan zan var buka’n lo chhawn;
Zingtian chinrang lo zai sang thinglerah,
Dawngral lentu kar rengchalpa'n lo zawm.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: