Phuahtu: Rokunga
Satu: Aizawl Venglai Branch YMA Zaipawl
Zawlkhaw sira luang del del Chite luipui,
A lo luanna Zawlkhaw lamphei saw hmara'n;
Damte'n luang del del zel e chhimtual panin,
Tiaupui hmingthang lenna vangkhua fin turin.
Fiara tui thiang te luang del del,
Lengi nena luia lengngha kan chhaina;
I sirah thing leh maurua an zing riai e,
Luang dem dem rawh piallei a ral hma loh chuan.
Kumsul vei tukram tuan kan rel chang nia,
Turnipui sa hrangvung hnuaia kan dawn ášhin;
Kan thlawh sawmfang kan zawh tluang kaina nuamah,
Luang reng rawh, lungrualpui nena ruang bualna.
Thal rum laiin va tinrengin an dawn thin,
Lungrualpui nen suara lengngha kan danna;
Eng siauvin thal-favang ni eng pawl riaiin,
Nung tinrengte lawma'n a rawn chhun eng a.
A lui dung cham del chhawrthlapui eng hnuaiah,
Kangkang, chhimbuk, thangfen zai te'n lo awi e;
Lung tileng zualin kiva hram thiam zai nen,
Sen siarin chhawrthlapui engin a rawn chhun.
26 Feb 2023
SHARE
Author: Four Brothers' Mizo lyrics verified_user
The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: