14 Mar 2023

Chhandamtu lungngaihna Kalvari lam chu panin

Phuahtu: Thanherha

Chhandamtu lungngaihna Kalvari lam chu panin,
Thlarau Thianghlim, aw, min hruai ang che;
Hmuh ka chak em e, Chhandamtu chu,
A hlinglukhum leh a tuarna chu.

Aw, a na em e, min tlanna chu,
A kut, a ke, a nakah hmelma hliam a tuar;
Ka tan kraws chungah a nun a pe.

Ni tinin ka ngaihtuah, Chhandamtu thihna hmun chu,
Rinin khawvel atang hian ka hmu;
Mi sualte karah chuan an khai kang,
"Ka tui a hal," Lal Isuan a ti.

Ngai rawh u, Chhandamtu lungngai leh thlaphang rum chuan,
"Ka Pathian, engah nge min kalsan?"
A tawngtai amah khengbettu tan,
Kraws chunga a thih dawn lai pawh khan.

Aw Lalpa, an tana i thlaphanna Kalvari-
Ah mi tin hruai la, inentir rawh;
Hria se an tana i tuarna chu,
Lal Isu, an fak lo thei lo'ng che.


Courtesy: Kristian Hla Bu No: 218

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: