Ka thlen hun chuan

Phuahtu: Duhawma Chhangte
Satu: Lalkima Zote

A khi chhaktiang tlaitla eng riai,
Suihlung ti leng ram khi;
Tah chuan ka lungkham Tleitiri,
Khawhar hian a awm si a.

Tunah zawng chhingkhual tlang hrangah,
Aw, kan leng sia;
Ka lunglen lawmna a chang tawh ang,
Bawihte, i hnen ka thlen hunah chuan.

Karah tuantul thlen fo thin hi,
A van ninawm tawh em;
Ngai  chung zel hian hreh em emin,
Inthen a tul si thin.

Lungphang suh aw, chhel tak hian e,
Rinawm hian lo awm rawh;
Ni rei ka cham tawh dawn nemaw,
Ka lo haw tep tawh e.

Awmhar ni chhun a rei lua e,
Chhingkhuala di chhai zawng;
Zankhua a lo tlai hian,
Nang nen in run ka ngai zual thin.