Dam lai tuipuiah ka thlarau a vakvai

Phuahtu: H.L Gilmour
Lettu: Lalmawia
Satu: BCM Lungpuizawl Kohhran Zaipawl, H Lalthanmawia (Mawitea), F Sanglura, Laikunga, HL Biakmawia, Rebecca Zorintluangi

Dam lai tuipuiah ka thlarau a vakvai,
Sual rit phur leh hrehawm takin;
Min pan rawh, tia kohna aw nem hriain,
Lawng chawlhna hmun chu ka thleng ta.

Lawng chawlhnaah chuan ka thlarau a chawl ta,
Tuipuiah ka kir tawh lo'ng;
Thlipui te hrangin tuipui fawn vel mah se,
Isuaah ka him reng a ni.

Khawngaiha min pawmtu hnenah ka inpe,
A thu chu ka lo ring ta a;
Sual kawlte a tla, chawlhna hmun ka thleng ta,
Lawng chawlhna chu Lalpa a ni.

Lalpa min tihdam china ka hla duh ber,
Isua chanchin mawi hi a ni;
A duh apiangte tan Chhandamtu a ni,
Lawng chawlhnaa chawl duhte tan.

Haw rawh, Chhandamtu'n a la nghak reng che,
Aman a lo chhandam ang che;
Lawng chawlhnaah chuan i thlarau rawn thlen la,
'Ka duh tak ka thleng ta,' tiin.

Courtesy: Kristian Hla Bu No: 413